«Ավերվեց մի ամբողջ շքամուտք». վարչապետ

Կառավարության նիստի սկզբում վարչապետ Նիկոլ Փաշինյանն անդրադարձավ Երևանի Ռայնիսի փողոցի թիվ 3 հասցեում գազի արտահոսքից տեղի ունեցած պայթյունին. «Ավերվեց մի ամբողջ շքամուտք՝ 12 բնակարանով: Պետք է ցավով արձանագրել, որ այսպիսի դեպքերի շարք է գրանցվում ՀՀ-ում, ինչը ևս մեկ անգամ մեր բոլորի ուշադրությունը պետք է սևեռի բնական գազի շահագործման անվտանգության կանոնների վրա: Հարուցվել է քրգործ, որի շրջանակում կպարզվեն բոլոր հանգամանքները: Եվս մեկ անգամ մեր հայրենակիցներին խնդրում եմ առանձնահատուկ ուշադրությամբ վերաբերվել կանոններին: Բնակարանից զրկված բոլոր քաղաքացիներն ապահոված են ժամանակավոր կեցավայրով»: