«Ռուսական շուկայի կորուստը դառնալու է ամենալուրջ մարտահրավերը ՀՀ-ի համար»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը. «Ռուսական շուկայի կորուստը, մի կողմ եմ թողնում՝ ինչու այսպես եղավ, դառնալու է ամենալուրջ տնտեսական, հետևաբար նաև քաղաքական մարտահրավերը Հայաստանի համար առաջիկա տարիներին:
Թղթի վրա կամ եթերներում հեշտ է ասել՝ դե՛, ծաղկի շուկան փակվեց Ռուսաստանում, կբացենք նոր շուկաներ՝ Եվրոպա, Ասիա և այլն:
Փակվելուց առաջ պետք է հաշվարկներ ունենայինք:
Երբ լող չիմացող մարդը դուրս է գալիս բաց ծով, նա չպետք է հույսը դնի նրա վրա, որ ինչ-որ մեկը կփրկի:
Եղածը եղած է և արդեն ուշ:
Պետք է աշխատել և հիշել, որ մարտահրավերները նաև հնարավորությունների դռներ են բացում, բայց հեշտ չի լինելու, մեղմ ասած:
Հիմա էլ ընկած արտադրողներին են թիրախավորում՝ թե բա որակով արտադրանք տվեք, որ Եվրոպայում կարողանաք վաճառել:
Քաղաքացիները պիտի գիտակցեն, որ պետությունների ղեկավարների սխալ հաշվարկների համար իրենք, հենց իրենք են վճարելու գինը»: