«Գործը վերաբերում է 2004թ․ մի գործարքի, որը հաստատել է կառավարությունը»․ Արամ Օրբելյան

«Ծանոթացել եմ փաստաթղթերին, որևէ քրեական գործի հետ ողջամտորեն որևէ աղերս չունի, բոլոր փաստերը, որոնք շարադրված են՝ չեն նկարագրում որևէ հանցագործություն, չեն համապատասխանում հավաքված փաստաթղթերին»,- լրագրողների հետ զրույցում հայտնել է փաստաբան Արամ Օրբելյանը։ «Խոսքը վերաբերում է 2004թ․ կատարված մի գործարքի, որը հաստատել է ՀՀ կառավարությունը՝ կառավարության նիստով, որոշմամբ, որը որևէ կերպ չի վիճարկվել և գործարքի հետ Ռոբերտ Քոչարյանն ու ընտանիքի անդամները որևէ առնչություն չունեն։ Հետագայում, երբ Ռոբերտ Քոչարյանը պաշտոն չէր զբաղեցնում, Սեդրակ Քոչարյանն տվյալ ընկերությունում բաժնեմաս է առել և ինչ-որ ձևով դա փորձում են կապել 2004թ․ գործարքի հետ։ Խոսքը վերաբերում է «Մաստեր կլաս» թենիսի տարածքին»,- մանրամասնել է փաստաբանը։

Հիշեցնենք, որ ԿԸՀ-ն քննում է Ռոբերտ Քոչարյանին անձեռնմխելիությունից զրկելու վերաբերյալ դատախազի միջնորդությունը։