Ժնևի հանդիպումը կարող է չկայանա՞լ. «Հրապարակ»
457 Հինգշաբթի, 29 հոկտեմբերի, 2020 թ., 08:00 «Հրապարակ» թերթը գրում է. «Այսօր Ժնևում Մինսկի խմբի համանախագահների հովանու ներքո նախատեսված է Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի հանդիպումը։ Հանդիպման առիթը նույնն է՝ պայմանավորվել հրադադարի ռեժիմը կյանքի կոչելու և բանակցությունների սեղանին վերադառնալու շուրջ, որը շարունակաբար խախտում է ադրբեջանական կողմը։ Հանդիպումից առաջ, սակայն, վարչապետ Նիկոլ Փաշինյանը նախ «լայվով» հայտարարեց, թե արցախյան հարցն այլևս չունի դիվանագիտական լուծում, և կոչ արեց բոլորին զինվորագրվել ու գնալ ճակատ, մեկ այլ «լայվի» ընթացքում ասաց, որ մենք պատրաստ ենք «ցավոտ փոխզիջումների», ապա հաջորդ օրը հայտարարեց, թե ստուգում էր հանրային արձագանքները, մենք պետք է կռվենք հանուն ամեն մի սանտիմետր հողի։ ԱԳՆ-ից երեկ փորձեցինք մեկնաբանություն ստանալ՝ արդյոք վարչապետի այս հայտարարությունները չե՞ն հակասում ժնևյան բանակցությունների ոգուն, և արդյոք ակնկալվո՞ւմ է, որ այդ հանդիպումը կհանգեցնի հրադադարի։ ԱԳՆ խոսնակ Աննա Նաղդալյանն ասաց, որ որևէ բան այս թեմայով չեն մեկնաբանում։ Հարցրինք՝ իսկ հանդիպումը կայանալո՞ւ է։ «Դա էլ չեմ մեկնաբանում»,- պնդեց խոսնակը։ Այսինքն՝ հանդիպումը կարող է չկայանա՞լ։ Նաղդալյանն ասաց՝ չգիտեմ, չեմ մեկնաբանում։ Երեկ երեկոյան նախարարը Երևանում էր՝ դեռ Ժնև չէր մեկնել»: Առավել մանրամասն՝ թերթի այսօրվա համարում: |
«Խիստ դատապարտելի ևս մի դրվագ է այսօր հանրայնացվում». Արմեն Մարտիրոսյան
5100:48«Մեռան սիմվոլներ ցույց տալով». Լ. Մաթևոսյան
9100:06«Արցախյան էջը վերջնական փակվում է»․ Տիգրան Քոչարյան
145Երեկ, 17:18«Քանի սա կա, մենք միայն հանձնելու ենք»․ Արա Վարդանյան
118Երեկ, 17:00«Այս ամենն արդեն գարշելի է»․ Գեղամ Ստեփանյան
163Երեկ, 16:54«Վետո կկիրառեմ «ռուսական օրենքի» նկատմամբ»․ Վրաստանի նախագահ
252Երեկ, 16:24«Իշխանության են մարդիկ, որոնք պատրաստ են ջնջել ամեն ինչ»․ Լևոն Զուրաբյան (տեսանյութ)
88Երեկ, 16:00«Որոշումն ընդունել են Ռուսաստանի և Ադրբեջանի նախագահները»․ Ալիևի օգնական
131Երեկ, 15:48