Կորոնավիրուսով վարակման 2210 և մահվան 30 նոր դեպք

500

Ուրբաթ, 06 նոյեմբերի, 2020 թ., 11:00

Հայաստանում նոյեմբերի 5-ին՝ ժամը 11:00-ի դրությամբ նոր կորոնավիրուսով վարակվելու 2210 նոր դեպք է գրանցվել, վարակվածների ընդհանուր թիվը հասել է 101773 դեպքի: Այս մասին հայտնում է ՀՀ ԱՆ հիվանդությունների և վերահսկման ե և կանխարգելման ազգային կենտրոնը:

Ընդհանուր թեստերի թիվը կազմում է 428687 վերջին մեկ օրում՝ 5202 նոր թեստավորում:

Փաստացի այս պահին բուժվում է 38088 պացիենտ. մեկ օրում ավելացել է 526-ով:

Վերջին տվյալներով ապաքինվել է 61782 անձ՝ վերջին մեկ օրում 1647 անձ:

Մեկ օրում կորոնավիրուսի հետևանքով մահացել է 30 քաղաքացի, մահացածների թիվը 1506 է:

Նախորդ օրն արձանագրվել է մահվան 7 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 397 է: