«Շարունակում ենք աջակցել հայ ժողովրդին»․ Կանադայի ԱԳ նախարար

Կանադայի արտգործնախարար Ֆրանսուա Ֆիլիպ Շամպայնը հայտարարություն է արել Արցախում ստեղծված իրավիճակի վերաբերյալ: Նա այն հրապարակել է Twitter-ի իր էջում։

«Ի գիտություն ենք ընդունել Լեռնային Ղարաբաղի տարածքում հրադադարի ռեժիմի հաստատումը: Մենք աշխատում ենք մեր միջազգային գործընկերների հետ՝ ուսումնասիրելու համաձայնության պայմաններն ու հետևանքները։ Մենք շարունակում ենք աջակցել հայ ժողովրդին, ում հետ ամուր կապեր ունենք»,- գրել է Կանադայի արտաքին գործերի նախարարը։

«Ակնկալում ենք, որ Ադրբեջանը խստորեն կհարգի ստանձնած պարտավորությունները և ռազմական գործողությունները կդադարեն մշտապես՝ առանց հապաղելու։

Ինչպես նշել ենք նախկինում՝ Թուրքիան պետք է հակամարտությունից դուրս մնա։

Ես մշտական կապի մեջ եմ եղել ՀՀ ԱԳ նախարարի հետ՝ հասկանալու, թե ինչպես այս դժվարին պահին Կանադան կարող է շարունակել աջակցել հայ ժողովրդին, ում հետ մենք կիսում են ամուր մարդկային կապեր ու արժեքներ։

Բոլոր կողմերը պետք է բանակցեն՝ մշտական ու խաղաղ կարգավորման հասնելու համար՝ հայտարարված հրադադարից հետո ու ԵԱՀԿ Մինսկի խմբի համանախագահության շրջանակներում»,- ասված է հայտարարության մեջ։