Չորեքշաբթի, 18 նոյեմբերի, 2026 թ.
|
Ստեփանակերտում`   +12 °C

«Անմիջական սպառնալիք չկա»․ Ռուբիոն՝ Իրանի հնարավոր հարձակման մասին

«Անմիջական սպառնալիք չկա»․ Ռուբիոն՝ Իրանի հնարավոր հարձակման մասին
45
Այսօր, 11:55

ԱՄՆ վարչակազմը Վաշինգթոնի վրա Իրանի կողմից հնարավոր հարձակման նախապատրաստման նշաններ չի տեսնում։ Այս մասին Մանիլայում լրագրողների հետ զրույցում հայտարարել է ԱՄՆ պետքարտուղար Մարկո Ռուբիոն։

«Ես նույնիսկ չեմ պատրաստվում մեկնաբանել այդ հաղորդագրությունները, քանի որ չգիտեմ, թե որտեղից են ձեզ նման տեղեկություններ հասնում»,- ասել է Ռուբիոն։ «Եթե խոսքը հետախուզական տվյալների մասին լիներ, ապա դրանք գաղտնի կլինեին»,- հավելել է նա։

«Վստահ եմ, որ մեր համակարգերը թույլ են տալիս ժամանակին բացահայտել նմանատիպ երևույթները։ Չեմ կարծում, որ որևէ անմիջական սպառնալիք կա»,- նշել է ԱՄՆ պետքարտուղարը՝ հավելելով, որ իրեն չեն անհանգստացնում այդ թեմայով լրատվամիջոցների հրապարակումները։

Ավելի վաղ ԱՄՆ նախագահ Դոնալդ Թրամփը հայտարարել էր, որ Իրանի կողմից Վաշինգթոնի վրա հարձակման դեպքում ԱՄՆ-ն պատասխան հարվածներ կհասցնի աննախադեպ հզորությամբ։