«Քանի դեռ Հայաստանում արատովոր շրջապտույտ է կատարվում, մենք որևէ արդյունք չենք ունենալու». Հայկ Գրիգորյան

«Ազգային առաջընթաց» կուսակցության լրատվության ղեկավար Հայկ Գրիգորյանը ֆեյսբուքյան իր էջում գրել է. «Քանի դեռ Հայաստանում արատովոր շրջապտույտ է կատարվում, մենք որևէ արդյունք չենք ունենալու, այն է՝ քանի դեռ մարդիկ ընդդիմադիր են խաղում, ակտիվիստ կամ իրավապաշտպան, հետո դառնում են պատգամավոր կամ պաշտոնյա, ստանձնում իշխանական պատասխանատվություն, մեծ-մեծ գոռում, թե եկել են կոռուպցիան արմատախիլ անեն, բայց իրականում մասնակցում են Արցախի հանձնմանը, լռությամբ թե ակտիվ կերպով, ձեռքի հետ էլ քննադատելով ու իրականում աջակցելով Նիկոլին, լպրծուն խաղ խաղալով, ու հետո երբ իշխող ուժն սկսում է արժեզրկվել կամ իրեն չեն տալիս իր երազած պաշտոնը, կամ պաշտոնից հանում են, բայց ամիսներով սպասում են նոր պաշտոնի, բայց էլի չեն տալիս, ու այդ մարդը հանկարծ հիշում է, որ պետք է ընդդիմություն լինի, քանի որ Նիկոլը հակահայ է, քանի դեռ ռուսի վրա ձու նետողը հետո դառնում է ռուսի պաշտպան, քանի դեռ հեղափոխություն գոռացողն ու Նիկոլի հետ քայլողը երեք տարի հետո ասում է՝ գալու եմ նոր հեղափոխություն անեմ, ու քանի դեռ դրանց նմաններին հավատացողներ կան, ապա մենք անհույս վիճակում ենք»։