Թրամփը հանդես է եկել հրաժեշտի ուղերձով

Դոնալդ Թրամփը՝ նախագահի պաշտոնում հանդես է եկել հրաժեշտի ուղերձով, Սպիտակ տունը նրա ելույթից հատվածներ է տարածել:

Թրամփի խոսքով՝ որպես պետության ղեկավար, ինքը հաստատել է «սրբազան գաղափարը, որ Ամերիկայում իշխանությունները հաշվետու են ժողովրդի առջև»:
«Մենք արել ենք այն, ինչի համար եկել էինք և նույնիսկ ավելի շատ»,-ասել է նա:
Քաղաքական գործիչն ընդգծել է, որ տասնամյակների ընթացքում դարձել է առաջին նախագահը, ով ոչ մի նոր պատերազմ չի սկսել: Թրամփի կարծիքով՝ իր վարչակազմը «վերականգնել է ԱՄՆ-ի ուժն ու արտերկրում ամերիկյան առաջնորդությունը»:
«Ամերիկան անվճռական մարդկանց համեստ երկիր չէ, որոնց պետք է թաքցնել ու պաշտպանել նրանցից, ում հետ մենք համաձայն չենք»,-հավելել է Թրամփը:
Նա հայտարարել է, որ աղոթում է Ջո Բայդենի նոր վարչակազմի հաջողության, երկրի անվտանգության և բարգավաճման համար: Ընդ որում, նա նշել է, որ իր քաղաքական շարժումը դեռևս գտնվում է ճանապարհի սկզբում։
Թրամփը կրկին դատապարտել է Կոնգրեսի շենքի վրա հարձակումը․
«Քաղաքական բռնությունը հարձակում է այն ամենի վրա, ինչը մենք՝ որպես ամերիկացիներ գնահատում ենք։ Դա երբեք չի կարելի հանդուրժել»,-ասել է նա։