«Թույլ տվեք նման հարցերի չպատասխանել». նորանշանակ նախարար

«Մայրս ունի փոքր փայաբաժին, ես և ամուսինս՝ ոչ»,- կառավարության նիստից հետո ճեպազրույցի ժամանակ ասաց Առողջապահության նորանշանակ նախարարը՝ անդրադառնալով իր ընտանիքին կապակցված ընկերության մասին լուրերին: «Շահերի բախում չեմ տեսնում. ԱՆ-ն, ինչպես բոլոր գերատեսչությունները, առաջնորդվում է Գնումների մասին օրենքով»: Մամուլում լուրեր էին շրջանառվում, որ Անահիտ Ավանեսյանի ամուսինն աղանդավորական կազմակերպության քարոզիչներից է: Արձագանքելով՝ նախարարը նշեց. «Կրոնի ազատությունն անքակտելի իրավունք է... ամուսինս չի հանդիսանում քարոզիչ»: Հարցին՝ իսկ աղանդի ներկայացուցիչ հանդիսանո՞ւմ է, ասաց. «Թույլ տվեք նման հարցերի չպատասխանել»: