«Դուք խրախուսո՞ւմ եք ՄԻԱՎ-ով վարակվելը». Թովմասյանը՝ Նանուշյանին

Այսօր ԱԺ նիստում «Մարդու իմունային անբավարարության վիրուսից առաջացած հիվանդության կանխարգելման մասին» օրենքում փոփոխություններ և լրացում կատարելու նախագծի քննարկման ժամանակ որոշ պատգամավորներ իրենց դժգոհությունն արտահայտեցին առողջապահության փոխնախարարից՝ գոհացուցիչ պատասխաններ չլսելու վերաբերյալ:

ԱԺ պատգամավոր Թագուհի Թովմասյանը, դիմելով Լենա Նանուշյանին, հարցրեց, թե ինչով է պայմանավորված քրեական օրենսգրիքց այն դրույթի հանումը, ըստ որի ՄԻԱՎ-ի հարուցիչով վարակելու ակնհայտ վտանգի ենթարկելը պատժվում է տուգանքով:

«Դուք խրախուսո՞ւմ եք ՄԻԱՎ-ով վարակվելը»,- Նանուշյանին դիմելով՝ ասաց Թովմասյանը:
Այնուհետև, արդեն ԱԺ ամբիոնից դիմելով առողջապահության փոխնախարարին, պատգամավորը կրկնեց հարցը. «Դուք ինչո՞ւ եք քրեական օրենսգրքից հանել կոնկրետ ձևակերպումը, որով մարդուն դիտավորյալ ՄԻԱՎ-ով վարակելու դեպքում պատիժ է նախատեսում»: