Երկրաշարժի հետևանքով հանրապետության բժշկական կենտրոններ է դիմել 25 քաղաքացի

303

Շաբաթ, 13 փետրվարի, 2021 թ., 22:30

Փետրվարի 13-ի՝ ժամը 21:00-ի դրությամբ, երկրաշարժի հետևանքով՝ տարբեր պատճառներով, քերծվածքներով ու վնասվածքներով հանրապետության բժշկական կենտրոններ դիմել է 25 քաղաքացի: Այս մասին հայտնում է Առողջապահության նախարարությունը։

Բոլորի առողջական վիճակը գնահատվում է թեթև ծանրության:
Անվտանգությունից ելնելով՝ հոսպիտալացվել է միայն մեկ հղի:

Մնացած 24-ին բժշկական օգնություն է տրամադրվել ամբուլատոր պայմաններում: