«Պետք է ասեմ, որ դուք հետ եք մնում ընդդիմությունից». Անի Սամսոնյանը՝ իմքայլականներին

«Եթե կարողանում եք քննիչ հանձնաժողովի աշխատանքներին մասնակցել, մասնակցեք, եթե ոչ, ապա եկեք միմյանց չգրաքննենք, և ամեն հրապարակային ու ոչ հրապարակային քննարկումների ժամանակ չչափենք իրավաչափության արդյունավետության հարցեր»,- այսօր կորոնավիրուսի հետևանքների ուսումնասիրման հանձնաժողովի նիստին ասաց ԼՀԿ պատգամավոր Անի Սամսոնյանը՝ դիմելով իշխող կուսակցությանը:

«Ընդդիմությունն արդեն ուղարկել է հարցերը, մարդիկ պատրաստվում են այդ հարցերին պատասխանել, բայց դուք այդտեղ դեռ չափում եք այս հանձնաժողովի արդյունավետությունն ու իրավաչափությունը: Պետք է ասեմ, որ դուք հետ եք մնում ընդդիմությունից... Կամ եկեք հասեք, կամ եկեք նույն հարցերով այս հանձնաժողովի վրա չազդենք»,- հավելեց պատգամավորը: