Ուրբաթ, 29 մարտի, 2024 թ.
|
Ստեփանակերտում`   +15 °C

ԱՄՆ-ն հետ է կանչել Իրանի նկատմամբ պատժամիջոցների վերականգնման պահանջը

ԱՄՆ-ն հետ է կանչել Իրանի նկատմամբ պատժամիջոցների վերականգնման պահանջը
1186
Ուրբաթ, 19 փետրվարի, 2021 թ., 18:25

ՄԱԿ-ում ԱՄՆ մշտական ներկայացուցիչ Ռիչարդ Միլսը տեղեկացրել է ՄԱԿ-ի ԱԽ անդամներին, որ Միացյալ Նահանգները հետ է կանչել իրենց՝ Իրանի դեմ պատժամիջոցների ռեժիմի վերականգնման պահանջը, ճեպազրույցի ժամանակ հայտարարել է Միացյալ Նահանգների պետդեպարտամենտի ներկայացուցիչը։
«ՄԱԿ-ում ԱՄՆ մշտական ներկայացուցիչ, դեսպան Միլսն այսօր նամակ է ներկայացրել ՄԱԿ-ում Միացյալ Թագավորության (նախագահում Է ԱԽ-ում) մշտական ներկայացուցչին, որում փոխվել է Իրանի նկատմամբ ՄԱԿ-ի ԱԽ-ի պատժամիջոցների վերականգնման հարցի շուրջ նախորդ վարչակազմի դիրքորոշումը»,- հայտարարել է նա:
Դիվանագետի խոսքով՝ ԱՄՆ-ն այդպիսով հաստատում է, որ ՄԱԿ-ի Անվտանգության խորհրդի 2231 բանաձևն ուժի մեջ է մնում: Նա նշել է, որ նամակն ուղարկվել է ՄԱԿ-ի Անվտանգության խորհրդի բոլոր անդամներին և «ուժի մեջ է մտել»:
2020 թվականի օգոստոսին ԱՄՆ-ի նախկին վարչակազմի պետքարտուղար Մայք Փոմփեոն փորձել է ԱԽ-ում նախաձեռնել հակաիրանական պատժամիջոցների վերականգնման ընթացակարգը, որոնք չեղարկվել են ՄԱԿ-ի ԱԽ-ի 2231 բանաձևով՝ իրանական միջուկային ծրագրի շուրջ համաձայնագրից հետո: