Թուրքիայում ռուս զբոսաշրջիկ է մահացել. ավելի քան 25 տուժած կա

1102

Շաբաթ, 10 ապրիլի, 2021 թ., 19:36

Թուրքիայում ավտովթարի հետևանքով ռուս զբոսաշրջիկ է մահացել, 26 տուժած կա։ Տեղեկությունը «ՏԱՍՍ»-ին է հայտնել է Անթալիայում Ռուսաստանի գլխավոր հյուպատոսության ներկայացուցիչը։

«ՃՏՊ-ն տեղի է ունեցել ապրիլի 10–ի առավոտյան՝ ժամը 9:30-ի սահմանում, Քոնյա-Աքսարայ ճանապարհին»,- ասել է նա։

Վթարի է ենթարկվել 32 ռուսաստանցի զբոսաշրջիկներին Կապադովկիա փոխադրող ավտոբուսը։ Նախնական տվյալներով՝ ճանապարհը սառցակալած է եղել, և ավտոբուսի վարորդը չի կարողացել կառավարել մեքենան։

«Ցավոք, թուրքական իշխանությունները հաստատել են ռուս զբոսաշրջիկներից մեկի մահը»,- ասել է գործակալության զրուցակիցը:

Տուժածներին մոտակա հիվանդանոցներ են տեղափոխել, նրանց շտապ բուժօգնություն են ցուցաբերում: