Հինգշաբթի, 12 մարտի, 2026 թ.
|
Ստեփանակերտում`   +3 °C

Արցախյան պատերազմին արտերկրից ժամանած հայտնի հայ բժիշկներն իրենց աջակցությունն են հայտնել «5165» շարժմանը

Արցախյան պատերազմին արտերկրից ժամանած հայտնի հայ բժիշկներն իրենց աջակցությունն են հայտնել «5165» շարժմանը
248
Հինգշաբթի, 17 հունիսի, 2021 թ., 19:15

Արցախյան պատերազմին արտերկրից ժամանած հայտնի հայ բժիշկներն իրենց աջակցությունն են հայտնել «5165» շարժմանը:

«Այսօր աշխարհի բոլոր հայերի ուշադրությունը սևեռված է մեր Հայրենիքում տեղի ունեցող իրադաձություններին։ Հետպատերազմյա ճգնաժամը իր ազդեցությունն է թողել Հայաստանի կյանքի բոլոր բնագավառներում։ Հունիսի 20-ին Հայաստանում տեղի են ունենալու ընտրություններ, որոնք կարող են կամ ավելի բարդացնել ներկա ճգնաժամը և սրել քաղաքական կրքերը կամ հաղթահարել իրավիճակը։

Մենք քաղաքականությունից բավականին հեռու ենք, սակայն ներկա իրավիճակում ստիպված ենք կատարել մեր դիրքորոշումը, քանի որ Հայաստանի պետականությունն ու ինքնիշխանությունը մեզ համար բացարձակ արժեքներ են, որի համար պատրաստ ենք անզիջոմ պայքարել: Հայաստանն այսօր կարիք ունի նոր մարդկանց ու նոր ուժերի, որոնք չկան կասկածելի գործընթացներում և պատրաստ են աշխատել և ապրել հանուն մեր հայրենիքի։ Անվերապահ աջակցությունն ենք հայտնում «5165» շարժման անդամներին։
Իմանալով այդ մարդկանց անձնապես և երկար ժամանակ որպես գործունյա մարդիկ մենք վստահ ենք, որ նրանք ունեն բավարար կամք, պրոֆեսիոնալիզմ և ինտելեկտ, որպեսզի կարողանան հաղթահարել Հայաստանի առջև ծառացած մարտահրավերնեը։

«5165» շարժոմը չի ստեղծվել բացառապես այս ընտրություններին մասնակցելու համար, այն պատրաստ է աշխատել երկարաժամկետ և անխուսափելիորեն ունենալու է հաջողություն։

Այս իրավիճակում մենք խնդրում ենք նաև Հայաստանում և արտերկրում բնակվող բոլոր հայերին՝

* Դադարեցնել փոխադարձ վիրավորանքները: Համոզել, բացատրել, քարոզել, բայց չվիրավորել: Ատելությունը ոչ մի տեղ տանող ճանապարհ է:

* Մեզանից յուրաքանչյուրը պետք է հասկանա և գիտակցի իր անձնական պատասխանատվության բաժինը Հայաստանում տեղի ունեցողի համար: Որքան էլ վճռական լինեք այս կամ այն ​​ուժին սատարելում, կարող եք դա անել ավելի զուսպ, առանց վիրավորելու ուրիշներին և ատելություն սերմանելու:

* Մի ենթարկվեք սադրանքների և խուսափեք իրավիճակներից, երբ ինքներդ կարող եք դառնալ սադրանքի աղբյուր: Կշռեք ձեր յուրաքանչյուր խոսքն ու գործը:

* Ընդունեք համախմբումը որպես իրավիճակից դուրս գալու միակ ելք՝առանց այլընտրանքի:

Մենք հավատում ենք Հայաստանի ապագային»։

Շահեն Դանիելյան
Նորայր Զաքարյան
Ատոմ Տեր-Գրիգորյան
Արտակ Մացակյան
Արմեն Պետրոսյան