Հինգշաբթի, 12 մարտի, 2026 թ.
|
Ստեփանակերտում`   +3 °C

«Պետք է պատրաստ լինենք COVID-ի բռնկման չորրորդ փուլին․ այն կարող է շատ ծանր լինել»․ Արմեն Մուրադյան

«Պետք է պատրաստ լինենք COVID-ի բռնկման չորրորդ փուլին․ այն կարող է շատ ծանր լինել»․ Արմեն Մուրադյան
314
Հինգշաբթի, 01 հուլիսի, 2021 թ., 22:36

«Հնարավո՞ր է ունենանք COVID-ի բռնկման չորրորդ փուլ․ դա ռեա՞լ է»․- Հ1-ի տաղավարում պատասխանելով հարցազրուցավար Պետրոս Ղազարյանի հարցին, ԵՊԲՀ ռեկտոր Արմեն Մուրադյանը պատասխանեց․

«Դա շատ ռեալ է։ Ես բնավ չեմ ուզում ահի մթնոլորտ ստեղծել, բայց այն, ինչ որ մենք անցել ենք՝ պարտավորեցնում է, որ պատրաստ լինենք, համակարգը պատրաստ լինի, հիվանդանոցային համակարգերը պատրաստ լինեն, առաջնային օղակները պատրաստ լինեն։ Չէ՞ որ COVID-ից ոչ միայն մենք մեր վրա վերցրեցինք այդ բոլոր ծախսերը, այլև մի շարք բուժական գործողություններ մեկ տարով հետաձգվեց»,- ասաց Մուրադյանը։

«Չորրորդ ալիքը մեզ համար կարող է լինել շատ ծանր․ նախ՝ հոգնած է համակարգը, պետք է ճշմարտությունն ասել․ մարդիկ ուղղակի սպառված են․ մեզ համար վտանգավոր է չորրորդ փուլը»,- զգուշացրեց բանախոսը։