Շաբաթ, 22 օգոստոսի, 2026 թ.
|
Ստեփանակերտում`   +20 °C

«Մեզնից ծածուկ կատարվել է գործարք». Արտավազդ Սահակյանը դիմում է Նիկոլ Փաշինյանին

«Մեզնից ծածուկ կատարվել է գործարք». Արտավազդ Սահակյանը դիմում է Նիկոլ Փաշինյանին
668
Երկուշաբթի, 05 հուլիսի, 2021 թ., 14:36

Համալսարանական թիվ 1 կլինիկական հիվանդանոցի պլաստիկ, վերականգնողական վիրաբուժության և միկրովիրաբուժության կլինիկայի ղեկավար, ԵՊԲՀ պլաստիկ վիրաբուժության և միկրովիրաբուժության ամբիոնի վարիչ Արտավազդ Սահակյանը ֆեյսբուքյան եթերում դիմել է վարչապետի պաշտոնակատար Նիկոլ Փաշինյանին: «Մեզնից ծածուկ կատարվել է գործարք՝ առանց հաշվի առնելով ամբիոնի աշխատակիցների շահերը: Նույնիսկ Կառավարությունում կարծել են, թե ես եմ դա ցանկանում... Առևանգվում է մեր տարածքը: Կոչ եմ անում վերանայել այս որոշումը»:

Հիշեցնենք՝ օրեր առաջ Արտավազդ Սահակյանը հանդես էր եկել տեսաուղերձով, որտեղ նշել էր, որ դեռևս 2017 թվականին, երբ Երևանի պետական բժշկական համալսարանի ռեկտոր է նշանակվել Արմեն Մուրադյանը, իրեն հորդորել է լքել տարածքը, ինչին ինքն ընդդիմացել է։
Սահակյանը հայտարարել էր, որ այս ընթացքում էլ պարբերաբար նույն պահանջը դրվել է։
«Ինձ պարտադրում են հեռանալ այս մասնաշենքից՝ հաշվի առնելով Կառավարության որոշումը, իսկ Կառավարության որոշումն ընդունվել է առանց այս ստորաբաժանման կարծիքը հաշվի առնելու»,- նշել էր նա:

Կարդացե՛ք նաև