#COVID_19-ի դեմ պատվաստումների ընթացքն աշխարհում

ԵՊԲՀ ռեկտոր Արմեն Մուրադյանի գրառումը. «Հուլիսի 12-ի դրությամբ, 180 երկրներում ներարկվել է ավելի քան 3,41 միլիարդ դեղաչափ (օրական շուրջ 32 միլիոն), որը համապատասխանում է աշխարհի բնակչության շուրջ 22.2%-ին, սակայն ներկայումս արձանագրվում է պատվաստումների գործընթացի խիստ արտահայտված անհավասարություն՝ բարձր և ցածր եկամուտ ունեցող երկրների բնակիչների միջև, բարձր եկամուտ ունեցող երկրներում պատվաստումներն ընթանում են 30 անգամ ավելի արագ:
ԱՄՆ-ում ներարկվել է 334 միլիոն դեղաչափ, վերջին շաբաթվա ընթացքում օրական ներարկվել է 506.771 դեղաչափ: Ներկա դինամիկայի պահպանման դեպքում կպաանջվի ևս 9 ամիս բնակչության 75%-ին պատվաստելու համար: Գնահատված է, որ ԱՄՆ-ի բնակչության 70-85%-ի պատվաստումը հնարավորություն կտա վերադառնալ բնականոն կյանքին:
Նոր բռնկումները ընդհանուր առմամբ նվազել են, քանի որ պատվաստումների մակարդակն շարունակում է աճել, այսպես՝ 41 երկրներում արդեն պատվաստվել է բնակչության 40%-ը:
ԵՄ երկրներում իրականացվել է 391,3 մլն պատվաստում: Բնակչության շուրջ 63,8% ստացել են առաջին դեղաչափը, իսկ 44,1%-ը երկրորդ»: