Հինգշաբթի, 28 մարտի, 2024 թ.
|
Ստեփանակերտում`   +8 °C

Իրանում օրինականացվել է ծանոթությունների համար նախատեսված միակ հավելվածը

Իրանում օրինականացվել է ծանոթությունների համար նախատեսված միակ հավելվածը
658
Կիրակի, 18 հուլիսի, 2021 թ., 22:36

Իրանի իշխանությունները ներկայացրել են երկրում Hamdan ծանոթությունների միակ օրինական հավելվածը։ Այն մշակել է իսլամական քարոզչության կազմակերպությունը։ Այս մասին հայտնում է BBC-ն։
Հավելվածի օգնությամբ Իրանի քաղաքացիները կկարողանան գտնել կյանքի ուղեկից։

Բոլոր ընթացակարգերն անցնելուց և ամուսնությունից հետո չորս տարի երիտասարդները կգտնվեն խորհրդատուի «հովանու» ներքո:
BBC-ի փոխանցմամբ՝ Իրանում աճում է ամուսնալուծությունների թիվը. եթե 2008-ին յուրաքանչյուր 8-րդ ամուսնությանը բաժին էր ընկնում ընդամենը 1 ամուսնալուծություն, ապա 2020 թվականին գրանցվել է 307 հազար ամուսնություն և գրեթե 100 հազար ամուսնալուծություն:

Բացի այդ, երկրում նկատվում է ծնելիության նվազում. անցյալ տարի բնակչության աճը նվազել է մինչև 1,29 տոկոս:

Իրանի բնակիչների համար Hamdan-ը կդառնա կյանքի ուղեկից որոնելու միակ հավելվածը, քանի որ երկրում ծանոթությունների մնացած ծառայություններն արգելված են: