«Ավելի շուտ Արաքսը կփոխի իր հունը, քան կապիտուլյանտը կարող է պաշտպանել մեր ազգային շահը». Էդուարդ Շարմազանով

ՀՀԿ խոսնակ Էդուարդ Շարմազանովի գրառումը. «Ավելի շուտ Արաքսը կփոխի իր հունը, քան կապիտուլյանտը կարող է պաշտպանել մեր ազգային շահը։

Քանի դեռ կապիտուլյանտներն իշխանության են, որևէ հայանպաստ և դրական լուծում ակնկալել միամտություն է։ Ինչո՞ւ։ Ասեմ...

Կապիտուլյանտների քայլերի արդյունքում է Թուրքիան ուղիղ մտել մեր փոքր տարածաշրջան։

Կապիտուլյանտն էր ուղիղ կապ հաստատել թշնամի պետության ղեկավարի հետ։

Նա էր ալիևներին «կիրթ ու կառուցողական» համարում։

Նա է ամեն ինչ ջնջել ու իր սեփական կետից սկսել։

Նա է արտաքին քաղաքական այցեքարտ ոչ թե Արցախի կարգավիճակի ու Հայոց ցեղասպանության միջազգային ճանաչումը հռչակել, այլ՝ իր «ժողովրդավարությունը»։

Նա է բերել կապիտուլյացիա և նվաստացում։

Նրա և Ադրբեջանի ղեկավարի «պասերով խաղերի» հետևանքով սկսվեց լայնածավալ պատերացմ։

Նա է հոկտեմբերի 19-20-ին հրաժարվել Պուտինի պատերազմը կանգնեցնելու միջնորդությունից, որի պատճառով հազարավոր նոր զոհեր ենք տվել, Շուշի ու Հադրութ կորցրել։

Նա է կապիտուլյացիայից հետո հունվարի 11-ին իր «կառուցողական» գործընկերոջ հետ հակահայկական փաստաթուղթ ստորագրել, որտեղ գերիների վերադարձի մասին որևէ խոսք չկա։

Նրա անգործության արդյունքում է, որ թշնամին Հայաստան է մտել։

Եվ, վերջապես, նա է «սկուտեղի վրա» զիջում մեր պետական ինքնիշխանությունը՝ հանուն իր աթոռի»։