Ուրբաթ, 06 օգոստոսի, 2021 թ.
|
Ստեփանակերտում`   +22 °C

Օդային ճանապարհով ՌԴ տարածք մուտք գործելու կարգը

Օդային ճանապարհով ՌԴ տարածք մուտք գործելու կարգը
84
Հինգշաբթի, 22 հուլիսի, 2021 թ., 20:30

ՀՀ առողջապահության նախարարությունը ներկայացրել է օդային ճանապարհով ՌԴ տարածք մուտք գործելու կարգը:

«Ռուսաստանի Դաշնությունը վերահաստատում է, որ Եվրասիական տնտեսական միության անդամ-պետությունների տարածքներից, այդ թվում Հայաստանի Հանրապետությունից ՀՀ և օտարերկրյա քաղաքացիները, ինչպես նաև քաղաքացիություն չունեցող անձինք, օդային անցակետերով ՌԴ մուտք գործելիս ներկայացնելու են «Ճամփորդի՛ր առանց COVID-19-ի» բջջային հավելվածը՝ կորոնավիրուսային վարակի նկատմամբ իրենց ՊՇՌ հետազոտության բացասական արդյունքով, որը կատարվել է ՌԴ ժամանելուց ոչ ուշ, քան 3 օր առաջ:

Այս կարգը չի տարածվում այն ուղևորների վրա, ովքեր երրորդ երկրներից Եվրասիական տնտեսական միության անդամ-պետությունների տարածքներով (այդ թվում՝ Հայաստանի Հանրապետության) Ռուսաստան են մուտք գործում տարանցիկ կամ կարճաժամկետ կանգառով: Վերջիններս պետք է ներկայացնեն երրորդ պետության տարածքում իրականացված ՊՇՌ հետազոտության բացասական արդյունքը հավաստող սերտիֆիկատ՝ տրամադրված ՌԴ ժամանելուց ոչ ուշ, քան 3 օր առաջ: Կարգավորումն ուժի մեջ է մտնում 2021թ. հուլիսի 25-ից»,- ասված է հաղորդագրությունում:

Լաբորատորիաների ցանկն՝ այստեղ