«Երևի Ղազինյանն ա մեղավոր, կամ՝ իրեն ներկայացնող Ռոբերտ Քոչարյանը». Անդրանիկ Քոչարյան

«Քաղաքացիական պայմանագիր» կուսակցության պատգամավոր Անդրանիկ Քոչարյանը Հանրային հեռուստաընկերության եթերում պարզաբանել է, թե ինչու արդեն 3-րդ անգամ Արթուր Ղազինյանը չի ընտրվում ԱԺ պաշտպանության և անվտանգության հարցերի նախագահի տեղակալի պաշտոնում:

«Երևի Արթուր Ղազինյանն ա մեղավոր, կամ՝ իրեն ներկայացնող Ռոբերտ Քոչարյանը: Չենք ընտրում նրան, որովհետև պարոն Ղազինյանը չի կարողանում հստակ պատասխանել այն հարցերին, որոնք տրվում են իրեն, կամ այն չափորոշիչներին, որով պետք է առաջնորդվի կարգավիճակին ձգտող թեկնածուն, կարողանա էդ կարգավիճակից բխող իր տրամաբանական պատասխանները հանձնաժողովում ներկայացնել: Իսկ հանձնաժողովի անդամները պարտավոր են տալ հարցեր և ստանալ պատասխաններ, այնուհետև՝ կայացնեն որոշում. ընտրել նրան. թե՞ չընտրել»,- եթերի ժամանակ ասել է Քոչարյանը:

Մանրամասները՝ տեսանյութում: