«ՔՊ-ն հանձնում է տարածքները, մենք առաջարկում ենք զարգացնել»․ Նարեկ Կարապետյան

ԱԺ «Ուժեղ Հայաստան» խմբակցության ղեկավար Նարեկ Կարապետյանը ֆեյսբուքյան իր էջում տեսանյութ է հրապարակել՝ «Երեկ Տիգրանաշենում էինք. հենց այստեղ են ուզում բնակեցնել ադրբեջանցիներին» գրառմամբ։

«Հայաստանն Իրանի հետ կապող ռազմավարական ճանապարհով տարեկան անցնում են 100 հազարավոր բեռնատար մեքենաներ, 2 մլն տոննա ապրանք, և սա կապում է Սյունիքը, Վայոց ձորը հյուսիսային Հայաստանի հետ։
Մի քանի շաբաթ առաջ ՀՀ վարչապետն այս տարածքի՝ Տիգրանաշենի մասին ասաց Քյարքի, դրան կհետևի նաև այն, որ նա ցանկանալու է այս տարածքը հանձնել Ադրբեջանին։ Մենք պետք է պայքարենք, պահենք մեր հայրենիքը, ՔՊ-ն հանձնում է տարածքները, մենք առաջարկում ենք զարգացնել այս տարածքները, ստեղծել լոգիստիկ և տուրիստական հետաքրքիր տարածք»,- տեսանյութում ասում է ընդդիմադիր գործիչը։