Զախարովան անդրադարձել է Ալեն Սիմոնյանի հայտարարությանը

Ռուսաստանի արտաքին գործերի նախարարության ներկայացուցիչ Մարիա Զախարովան անդրադարձել է ՀՀ ԱԺ նախագահ Ալեն Սիմոնյանի հայտարարությանը և ՌԴ-ի ԱԳՆ-ի արձագանքին:

Զախարովան նախ նշել է, որ դա չի դիտարկում որպես միջադեպ և որ ռուսական կողմի համար ուղղակի կարևոր էր հստակություն մտցնել այդ հարցում։ Այդ թեման շոշափվել է նաև ՌԴ ԱԳ նախարար Սերգեյ Լավրովի և ՀՀ ԱԳ նախարար Արարատ Միրզոյան հեռախոսազրույցում։ «Մենք այդ թեման համարում ենք փակված»,- նշել է Զախարովան:
Ավելի վաղ ՌԴ ԱԳՆ-ն հայտարարությամբ անդրադարձել էր ՀՀ ԱԺ նախագահ Ալեն Սիմոնյանի՝ ռուսական լրատվամիջոցների հետ զրույցում «Լավրովի պլանի» մասին հայտարարություններին: