Հինգշաբթի, 20 հունվարի, 2022 թ.
|
Ստեփանակերտում`   -2 °C

Ռոբերտ Հովհաննիսյանը կպայքարի չեմպիոնի կոչման համար

Ռոբերտ Հովհաննիսյանը կպայքարի չեմպիոնի կոչման համար
142
Երեքշաբթի, 28 դեկտեմբերի, 2021 թ., 00:24

Վարշավայում ընթացող արագ շախմատի աշխարհի առաջնությունում այսօր կայացան 6-9-րդ տուրերը:

Հայաստանի շախմատիստներից ամենահաջողը հանդես եկավ գրոսմայստեր Ռոբերտ Հովհաննիսյանը, որը 4 պարտիայից երեքում հաղթանակ տարավ, այդ թվում նաև ադրբեջանցի Շախրիյար Մամեդյարովի նկատմամբ: Նա վաստակել է 6,5 միավոր և այժմ բաժանում է 5-13-րդ տեղերը: Մրցաշարային աղյուսակը միանձյա գլխավորում է աշխարհի չեմպիոն Մագնուս Կառսլենը՝ 7,5 միավոր:

Մեր մյուս շախմատիստներն անկայուն հանդես եկան մրցումային երկրորդ օրը և այժմ բավականին ետ են մնում միանձնյա առաջատարից: Մասնավորապես՝ 37-րդ տեղում գտնվող Սերգեյ Մովսեսյանը Մագնուս Կառլսենին արդեն զիջում է 2 միավորով:

Վաղը կկայանան վերջին 4 տուրերը: Չեմպիոնի կոչման համար հիմնականում կպայքարենց հենց առաջին 13 հորիզոնականներում գտնվող շախմատիստները, այդ թվում՝ Ռոբերտ Հովհաննիսյանը: Նրա հերթական մրցակիցը կլինի վրացի Բադուր Ջոբավան: