Երկուշաբթի, 23 մայիսի, 2022 թ.
|
Ստեփանակերտում`   +14 °C

«Միայնակ կինը հոսպիտալացվել է, վաղն առավոտյան կիրականացվեն անհրաժեշտ հետազոտություններ»․ Շիրակի մարզպետ

«Միայնակ կինը հոսպիտալացվել է, վաղն առավոտյան կիրականացվեն անհրաժեշտ հետազոտություններ»․ Շիրակի մարզպետ
219
Երեքշաբթի, 18 հունվարի, 2022 թ., 00:00

Շիրակի մարզպետ Նազելի Բաղդասարյանը ֆեյսբուքյան իր էջում գրել է․ «Այսօր սոցիալական ցանցերում տարածված տեսանյութի հետքերով՝ մոտ մեկ ժամ առաջ, այցելել ենք Բուլվարային թաղամասի գործարանային 2 Ա շենքի միայնակ կնոջ բնակարան: Իրավիճակից ելնելով վերջինս արագ հոսպիտալացվել է Գյումրու ԲԿ և գտնվում է բժիշկների հսկողության ներքո: Վաղն առավոտյան կիրականացվեն անհրաժեշտ հետազոտություններ, կարիքի դեպքում Արմինեն կանցնի բուժօգնության ամբողջական կուրս: Արդեն պայմանավորվածություն է ձեռք բերվել Աշխատանքի և սոցիալական հարցերի նախարարի հետ, առաջիկայում համատեղ ջանքերով կփորձենք լուծել կնոջ կեցության հարցը: Պետության և հոգացավ հանրության ջանքերը մեկտեղելով՝ մենք յուրաքանչյուր օր կարող ենք փրկել կյանքեր»: