Մեծ Բրիտանիան Ուկրաինային կմատակարարի բարձր տեխնոլոգիական Brimstone հրթիռներ

1461

Չորեքշաբթի, 27 ապրիլի, 2022 թ., 00:54

Մեծ Բրիտանիան առաջիկայում, հնարավոր է՝ մինչև մայիսի 10-ը, Ուկրաինա կմատակարարի բարձր տեխնոլոգիական Brimstone դասի հրթիռներ: Այս մասին հայտարարել է Միացյալ Թագավորության պաշտպանության փոխնախարար Ջեյմս Հիփին։

Brimstone-ը (անգլերեն ծծումբ բառից) բարձր տեխնոլոգիական օդ-երկիր հրթիռ է: Մշակված է MDBA միջազգային կոնսորցիումի կողմից բրիտանական օդուժի (RAF) համար: Այն համալրված է ակտիվ ռադարային գլխիկով, որը թույլ է տալիս մեծ ճշգրտությամբ խոցել շարժվող թիրախները։ Բացի այդ, կա լազերային ուղղորդման հնարավորություն: