«Սպասում ենք, որ դատարանի դահլիճից ազատ կարձակեն»․ Աստղիկ Գալեյան

387

Հինգշաբթի, 19 մայիսի, 2022 թ., 19:00

«Քիչ առաջ խոսել ենք Գարիկ Գալեյանի հետ, վիճակը կայունացել է, այսօր էլ դեռ կմնա հիվանդանոցում»,- այս մասին դատարանի բակում լրագրողների հետ զրույցում ասաց 44-օրյա պատերազմում զոհված Մխիթար Գալեյանի մայրը՝ Աստղիկ Գալեյանը:

Իսկ թե ինչ ակնկալիք ունի ամուսնու եղբոր՝ Արթուր Գալեյանի դատական գործի վերաբերյալ, վերջինը պատասխանեց․ «Սպասում ենք, որ դատարանի դահլիճից ազատ կարձակեն, որովհետև էս էն դեպքը չի, որ պետք է կալանքի տանեն: Եթե այդպես լիներ, պատերազմից հետո շատ-շատ հրամանատարներ, սպայական կազմից շատ մարդիկ լիքը փաստեր կան, որ մեղավոր են, թողել են զինվորներին: Նրանք ազատության մեջ են, նույնիսկ աշխատում են, ավելի բարձր պաշտոններ են զբաղեցնում: Եթե նրանք ազատության մեջ են, ամուսնուս եղբայրը ևս պետք է լինի ազատության մեջ»։

Հիշեցնենք՝ այս պահին դատարանը քննում է Արթուր Գալեյանի կալանավորման հարցը: