Արցախի դրոշներով երիտասարդները ներխուժեցին բեմ՝ Հարությունյանի ելույթի ժամանակ

575

Կիրակի, 22 մայիսի, 2022 թ., 21:48

Երևանում մեկնարկած՝ բռնցքամարտի Եվրոպայի տղամարդկանց առաջնության բացման արարողության ժամանակ, որը տեղի ունեցավ Կարեն Դեմիրճյանի անվան մարզահամերգային համալիրում, վարչապետի աշխատակազմի ղեկավար Արայիկ Հարությունյանի ողջույնի խոսքի սկզբին բեմ վազեցին 2 երիտասարդներ՝ Արցախի Հանրապետության դրոշները պարզած: Դահլիճը բուռն ոգևորությամբ ու ծափերով դիմավորեց ակցիայի մասնակիցներին, որոնց կարճ ժամանակ անց հեռացրեցին անվտագության աշխատակիցները: Նկատենք, որ դրոշը պարզածներին ծափերով ողջունեց նաև Արայիկ Հարությունյանը: