Հինգշաբթի, 11 օգոստոսի, 2022 թ.
|
Ստեփանակերտում`   +22 °C

«Բռնապետիկը հանձնարարել է միաձայն «ընտրել» իր հերթական ստրուկ դատավորներին և դատախազին»․ Ա․ Իշխանյան

«Բռնապետիկը հանձնարարել է միաձայն «ընտրել» իր հերթական ստրուկ դատավորներին և դատախազին»․ Ա․ Իշխանյան
97
Չորեքշաբթի, 29 հունիսի, 2022 թ., 20:36

Իրավապաշտպան Ավետիք Իշխանյանի գրառումը․ «ԺՈՂՈՎՐԴԱՎԱՐԱԿԱՆ» ԲԵՄԱԴՐՈՒԹՅՈՒՆ
ԱԺ կոչվող բալագանում կատարվում են նոր նշանակումներ, որոնց անունը «ընտրություններ» են։ Վարչապետ կոչեցյալ, բռնապետիկը բարձր վարձատրվող իր ստրուկ-պատգամավորներին հանձնարարել է, որպես կոճակներ, միաձայն «ընտրել» իր հերթական ստրուկ՝ այս անգամ դատավորներին և դատախազին։ ԱԺ կոչվող բալագանում «ընտրություն» կոչվող ներկայացումը բեմադրված է հավուր պատշաճի։ Ելույթ են ունենում թեկնածուները, խոսում իրավունքի գերակայության, ժողովրդավարության և այլ անհեթեթությունների մասին, լուրջ դեմքերով պատասխանում, նույն լուրջ դեմքերով տրված հարցերին։ Բեմադրությանը, բացի գլխավոր հերոսներից, որոնք բնականաբար ստանում են բռնապետիկի բոլոր ստրուկ-պատգամավորների ձայները, մասնակցում են նաև ստատիստներ՝ դատավորների իբր թեկնածուներ, որոնք նախապես իմանալով, որ ստանալու են 0 ձայն, այնուամենայնիվ մասնակցում են ներկայացմանը։ Դե՛ հիմա, մեկ էլ տեսար այլ պաշտոնի նշանակեն, հո դեմ չեմ գնալու․․․բա որ․․․»։

Աղբյուրը`   Ավետիք Իշխանյան