Վիննիցայի հրթիռակոծության հետևանքով զոհերի թիվը հասել է 24-ի

1736

Շաբաթ, 16 հուլիսի, 2022 թ., 14:36

Ուկրաինայի Վիննիցա քաղաքի հրթիռակոծության հետևանքով 24 մարդ է զոհվել, 68 մարդ վիրավոր է, այդ թվում՝ 4 երեխա, այս մասին հայտնում են ուկրաինական լրատվամիջոցները:

Հուլիսի 14-ին ռուսական զորքի կողմից հրթիռակոծության հետևանքով լուրջ վնասներ են հասցվել մի շարք շինությունների, այրվել են տարածքում կայանված տասնյակ մեքենաներ։ Տեղի ունեցածից ժամեր անց Հաագայում համաժողով է անցկացվել, որտեղ 45 երկրներ համաձայնության են եկել համակարգել Ուկրաինայում ռուսական ռազմական հանցագործությունների հետևանքները և պատասխանատվության ենթարկել մեղավորներին: