«Ադրբեջանի նոր արկածախնդրության պարագայում ամերիկյան պատժամիջոցների մեքենան ուղիղ թիրախավորելու է Ալիևին». Արսեն Խառատյան

«Ալիք մեդիա»-ի գլխավոր խմբագիր Արսեն Խառատյանը ֆեյսբուքյան իր էջում գրել է. «Դամոկլյան սուր Ալիևի գլխին

Այս բանաձևի միջոցով ԱՄՆ-ի Սենատն Ալիևի գլխավերևում դամոկլյան սուր է կախում: Բանաձևի նախագծում նաև մարդու իրավունքների «Մագնիտսկու ակտ»-ի շրջանակներում ադրբեջանցի պաշտոնյաների դեմ պատժամիջոցներ կիրառելու առաջարկն է:

Ի դեպ, մինչ այս, Ռուսաստանի երկու խոշոր ադրբեջանցի գործարարներ Գոդ Նիսանովն ու Զարախ Իլիևն արդեն իսկ ներառվել էին Պուտինի վարչակարգին աջակցող գործարարների պատժամիջոցների ցուցակում, ինչն անուղղակի ազդակ էր Ալիևի համար:

Հայաստանի դեմ Ադրբեջանի հնարավոր նոր ռազմական արկածախնդրության պարագայում ամերիկյան պատժամիջոցների մեքենան ուղիղ թիրախավորելու է Ալիևին և իր շրջապատին»: