«Փաշինյանի առաջարկը վտանգավոր է Հայաստանի և Արցախի համար»․ Սեյրան Օհանյան

ԱԺ «Հայաստան» խմբակցության պատգամավոր, ՀՀ ՊՆ նախկին նախարար Սեյրան Օհանյանը 24TV-ին տված հարցազրույցում Փաշինյանի հայտարարությանը, ըստ որի՝ «հայ-ադրբեջանական սահմանի ողջ երկայնքով կարող են 3 կմ-անոց անվտանգային գոտի ձևավորել՝ ՀՀ-ի կողմից կանգնեն ռուս սահմանապահները, իսկ Ադրբեջանի կողմից՝ թուրք սահմանապահները, դա կարող է դիտարկվել նաև Հայաստան-Ադրբեջան սահմանին», արձագանքել է․ «Ոչ թե միամտություն, այլ հիմարություն է ասել, որ Ադրբեջան-Հայաստան սահմանին կարող են կանգնել թուրք սահմանապահները, այս պատերազմի ընթացքում թուրք-ադրբեջանական տանդեմի հանցագործություների արդյունքում իհարկե Թուրքիան մտել է Հարավային Կովկաս, սակայն Փաշինյանը նման առաջարկներ չպետք է անի, այն վտանգավոր է ՀՀ-ի և Արցախի համար, մենք չունենք այն պայմանները, որ գնանք խաղաղության պայմանագրի ստորագրման»: