Ուրբաթ, 02 դեկտեմբերի, 2022 թ.
|
Ստեփանակերտում`   +2 °C

«Ուզում եմ խոսել փոքրիկ Հուսիկի մասին, ում թվում է՝ ինքն ինչ կուզի՝ կկառուցի»․ Թեհմինա Վարդանյան

«Ուզում եմ խոսել փոքրիկ Հուսիկի մասին, ում թվում է՝ ինքն ինչ կուզի՝ կկառուցի»․ Թեհմինա Վարդանյան
115
Երեքշաբթի, 22 նոյեմբերի, 2022 թ., 15:36

«Ուզում եմ ձեզ պատմել մի կենդանի լեգենդ, փոքրիկ կառուցապատողի մասին, ում շատերը, ինչպես հասկանում եմ, այստեղ նույնիսկ անձամբ են ճանաչում, շատերը վստահաբար լսել են, շատերն էլ մամուլից տեղեկացել, վստահ եմ՝ տեղյակ է նաև քաղաքապետը։ Ուզում եմ խոսել Հուսիկ անունով մի կառուցապատողի՝ փոքրիկ Հուսիկի մասին, ում թվում է՝ ինքն այն տղան է, որ ինչ կուզի՝ կանի, ինչ կուզի՝ կկառուցի, ոնց կուզի՝ կվարվի, ամեն ինչը կօրինականացնի՝ առերևույթ կաշառք բաժանելով տարբեր վարչությունների ցածր անդամների կամ գուցեև ավելի բարձր օղակներում, այդ թվում՝ նաև ավագանու անդամների, ու իր գործն առաջ կտա։ Այդ մարդը նույնիսկ հարցազրույց է տալիս․ լկտիության գագաթնակետ, որ՝ «ես առնում եմ, տանում եմ, օրինականացնում եմ». մենք ինչո՞ւ ենք այս ամեն ինչին այսքան անհաղորդ, այստեղ բոլոր ուղղություններով առերևույթ կաշառքի հոտ է գալիս»,- Երևանի ավագանու այսօրվա նիստում նման հայտարարությամբ հանդես եկավ «Լույս» խմբակցության անդամ Թեհմինա Վարդանյանը։

Ի պատասխան՝ Երևանի քաղաքապետ Հրաչյա Սարգսյանն ասաց, որ այդ հարցի ուղղությամբ կզբաղվեն, որպեսզի հասկանան՝ որտեղ է խնդիրը։