Հայտնի են բրիտանական BAFTА կինոմրցանակաբաշխության հաղթողները

12643

Երկուշաբթի, 23 փետրվարի, 2026 թ., 10:54

Լոնդոնում տեղի է ունեցել BAFTA 79-րդ կինոմրցանակաբաշխությունը: Երեկոյի գլխավոր ինտրիգը ծավալվել է «Լավագույն դերասան» անվանակարգի շուրջ։ Հաղթանակի համար պայքարում էին Լեոնարդո ԴիԿապրիոն («Պայքար պայքարից հետո») և Թիմոթի Շալամեն («Հրաշալի Մարթի») ֆիլմերի համար, ինչպես նաև Իթան Հոուքը («Կապույտ լուսին»), Մայքլ Բ. Ջորդանը («Մեղավորները») և Ջեսի Պլեմոնսը («Բուգոնիա» ֆիլմերի համար)։ Այնուամենայնիվ, հաղթանակը բաժին է հասել բրիտանացի Ռոբերտ Արամայոյին՝ «Ես հայհոյում եմ» ֆիլմում իր աշխատանքի համար։

«Լավագույն դերասանուհի» անվանակարգում հաղթել է Ջեսի Բաքլին՝ «Համնետ» ֆիլմում իր դերի համար:

2026 թվականի BAFTA մրցանակի դափնեկիրների ամբողջական ցանկը՝

Լավագույն ֆիլմ - «Պայքար պայքարից հետո»

Լավագույն ռեժիսոր - Փոլ Թոմաս Անդերսոն («Պայքար պայքարից հետո»)

Լավագույն դերասան - Ռոբերտ Արամայո («Ես հայհոյում եմ»)

Լավագույն դերասանուհի - Ջեսի Բաքլի («Համնետ»)

Երկրորդ պլանի լավագույն դերասանուհի - Վունմի Մոսակու («Մեղավորները»)

Երկրորդ պլանի լավագույն դերասան - Շոն Պեն («Պայքար պայքարից հետո»)

Լավագույն օրիգինալ սցենար - «Մեղավորները»

Լավագույն վիզուալ էֆեկտներ - «Ավատար։ Կրակ և մոխիր»

Լավագույն դեբյուտային բրիտանական ռեժիսոր/սցենարիստ/պրոդյուսեր - «Իմ հոր ստվերը», Ակինոլա Դեյվիս կրտսեր (ռեժիսոր), Ուեյլ Դեյվիս (սցենարիստ)

Լավագույն դերասանական կազմ -«Ես հայհոյում եմ»