Կայունություն, տոկունություն, համազգային միասնություն. Շնորհավոր Ամանոր և Սուրբ ծնունդ

Սիրելի՛ հայրենակիցներ,
Ավարտվեց ծանր ու դժվարին հերթական տարին և ցավոք, հայ ժողովուրդը կրեց անդառնալի և ծանր կորուստներ: Մի քանի տասնյակ մեր հայրենակիցներ շարունակում են տառապել Բաքվի բանտերում, սեպտեմբերյան կռիվներում զոհված հերոսների մարմիններն անթաղ են, Արցախը բզկտված է և շրջապատված է բարբարոս թշնամու ցինիկ կեղծարարությամբ, մեր տասնյակ հազարավոր հայրենակիցներ զրկվել են տնից, ունեցվածքից, թշնամին ներխուժել և դիրքավորվել է մայր Հայաստանի բազմաթիվ բնակավայրերի մոտ՝ նշանառության տակ պահելով խաղաղ բնակավայրեր, իսկ թշնամու ղեկավարը բոլոր ամբիոններից շարունակում է հոխորտալ և վախ սերմանել հայ ազգաբնակչության մեջ:
Եվ այնուամենայնիվ, կյանքը շարունակվում է։

MAMUL.am-ի անձնակազմը շնորհավորում է համասփյուռ հայության գալիք 2023 թվականը։ Ցանկանում ենք արիություն, կամք, տոկունություն և համազգային միասնություն։ Այդ կերպ, ինչպես անցյալում, թեկուզ և մեծ դժվարությամբ, մենք կհաղթահարենք դժոխային նաև այս փորձությունները և ապագա սերունդներին կփոխանցենք ուժեղ Հայաստան, ազատ՝ վերականգնված Արցախ և անվտանգ ապագա մեր բնօրրան Հայրենիքի բոլոր անկյուններում: