«Հիշեցնեմ, թե հիմա ում ասուլիսն եք լսում». Հովհաննես Իշխանյան
268
Երեքշաբթի, 10 հունվարի, 2023 թ., 14:54
Ռեժիսոր Հովհաննես Իշխանյանը ֆեյսբուքյան իր էջում գրել է․ «Հիշեցնեմ, որ հիմա լսում եք մեկի ասուլիսը, ով * 5000 հոգի է սպանել, որ Արցախը հանձնի ու դեռևս չի հրապարակել զոհվածների ամբողջական անուն, ազգանունները, * Բանակցություններն է տապալել, դաշնակիցների ու գործընկերների հետ հարաբերությունները փչացրել, որ Ադրբեջանը կարողանա հարձակվի ու գրավի Հայաստանի հողերը։ * Գերիներին չի վերադարձնում, փոխարենն ասում ա՝ ոչինչ թող մի էրկու ամիս սպասեն։ * 44 օր բոլորին ստել է, թե հաղթում ենք, որ հանձնի Արցախը։ * Կոտրել է բանակի ողնաշարը՝ կեղծ գործեր հարուցելով, վարկաբեկելով Արցախն ազատագրած գեներալներին։ * Կոտրել է բանակը՝ կադրային ջարդ անելով։ * Կոտրել է Հայաստանի հերոսներին՝ նրանց դեմ կեղծ գործեր հարուցելով։ * Քանդել է դատական համակարգը սուտասաններին, զրպարտիչներին դատարաններ ներմուծելով, իսկ բարձր կարգի մասնագետների դեմ կեղծ գործեր հարուցելով ու համակարգից զոռով հեռացնելով։ * Դատարանները քանդելու համար անգամ ԱԱԾ-ին ուղարկել էր Հրայր Թովմասյանի հոր ու դստրերի վրա, իսկ Թովմասյանի դեմ կեղծ գործ հարուցել։ * Հնարել է գրիչի պատմություն, որ Հայաստանի Սահմանադրական դատարանի նախագահին վարկաբեկի։ * Վերացրել է հայ ժողովրդի համերաշխությունը, պառակտել ընտանիքներ, մտերիմ ընկերների։ * Գործածել է Հիտլերի լեքսիկոնը հայկական ավանդական կառույցների դեմ։ * Իր ավտոշարասյունով սպանել է հղի կնոջ։ * Դատարանի դահլիճում բոլորիս աչքի առաջ սպանել է Արմեն Գրիգորյանին։ * Վերացրել է հայկական ռազմավարական, մասնագիտական ինստիտուտներ, դրանց մեջ՝ գեոդեզիայի ինստիտուտը։ * Կորոնավիրուսի համաճարակի տարածողն էր իր բազմահազար ցույցերով Սյունիքում, երբ Իրանի սահմանը համաճարակի պատճառով փակ էր։ * Կորոնավիրուսի տարածումը գցել է Էջմիածնեցի կնոջ վրա։ * Պատերազմից հետո թողել է, որ անհայտ կորածները մահանան անտառներում։ * Պատերազմի ժամանակ կանոնավոր բանակը քանդել է՝ կոչ անելով քուչում 30 հոգով հավաքվել, գնալ պատերազմ։ * Պատերազմը չի կանգնեցրել՝ թողնելով, որ ևս հազարավորները զոհվեն, իբր թե իրեն դավաճան չասեն։ * Հայաստանի դաշնակցի մասին ստեր, ատելություն տարածելով ու իրա նման կուսակցություններ, լրատվամիջոցներ ու անձանց խոդի գցելով՝ վերացրել է Հայաստանի պաշտպանիչ երկրորդ շերտը։ * Արգելել է Հայաստանի բարեկամներին, հայերի շահերի պաշտպանության գործիչներին մուտք գործել Հայաստան։ * Արցախի ու արցախցիների նկատամամբ համակարգային ատելություն է տարածել։ * Հանձնել է Բերձորը, Աղավնոն, պատրաստվում է հանձնել Սյունիքը։ * Թաքուն հանձնել է Գորիս-Կապան ճանապարհը։ * Կեղծ գործեր է հարուցել Սյունիքի համայնքապետերի վրա, իսկ Գորիսի քաղաքապետը բանտից է հաղթել ընտրությունները։ * Հայ սպա Գուրգեն Մարգարյանին կացնահարած Ռամիլ Սաֆարովին Ադրբեջան արտահանձնած Հունգարիայի հետ վերականգնել է Հայաստանի հարաբերությունները։ * Շուշիի, Արցախի հայկական լինելը կասկածի տակ է դրել։ * Ականների քարտեզները հանձնել է Ադրբեջանին։ *Քրդերին դավաճանաբար հանձնել է հայերի ցեղասպան Թուրքիային։ * Հրաժարվել է 2 միլիոն հայերի ցեղասպանության ճանաչումից։ * Հայկական բնակավայրերը կոչում է ադրբեջանական տարբերակով, Էյվազլին հիշու՞մ եք։ * Բռոնիժիլետը հագին հայ երեխաներին դեմը պատնեշ է դրել, որ հանկարծ կրակեն, էրեխեքին կպնի։ * Թույլատրում է, որ Հայաստանի ազգային հերոսներին գրաքննեն։ * Իր ողջ կենսագրության ընթացքում զրպարտություններ ու մուտիլովկեք է տարածել։ * Ու հենց հիմա, երբ ասուլիս է տալիս, արդեն 30 օր է փակել է Արցախի ճանապարհը, 150 հազար մարդկանց սովամահ է անում, այդ թվում՝ 30 հազար երեխայի, որ հանձնի Արցախը, հետո Սյունիքը, հետո Երևանը։ *** Դուք լսում եք մեկի ասուլիսը, ով դավաճանել է հայերին, ռուսներին, պարսիկներին, չինացիներին, եզդիներին, ասորիներին, հույներին, քրդերին, ալևիներին, կիպրացիներին, թալիշներին, իրեն հարց տվողներին ու իր ասուլիսը լսողին»։
