«Բարեփոխումներն ավելի սանձարձակ են դարձնում ոստիկանության աշխատակիցներին». իրավապաշտպան

Իրավապաշտպան Ժաննա Ալեքսանյանի գրառումը. «Փաստորեն, ոստիկանական այսպես կոչված բարեփոխումներն ավելի սանձարձակ են դարձնում ոստիկանության աշխատակիցներին: Բռնության են ենթարկվել փաստաբաններ, որոնք կոչված են եղել պաշտպանել ոստիկանության կողմից արդեն խոշտանված անչափահասների։ Սա աննախադեպ է։ Ոստիկանները լավ գիտեն, որ չեն պատժվելու, որ բարեփոխումներ բոլորն էլ արել են, հետո ինչ։ Քանի որ վարչապետը վերջին կառավարության նիստում քննարկման թեմա դարձրեց կոռուպցիան, առաջարկում եմ հաջորդ նիստում քննարկել բռնությունը ոստիկանությունում։ Ի դեպ, հարմար առիթ կլինի վարչապետի ընտրյալ, ոստիկանությունը գլխավորող Վահե Ղազարյանին բացատրել, որ ծեծն ու բռնությունը օրենքով արգելված է»: