«Մենք երախտապարտ ենք Երևանին». Չավուշօղլու

«Հայաստանը համերաշխություն հայտնեց և բարեկամության ձեռք մեկնեց Թուրքիայի ժողովրդին ավերիչ երկրաշարժերի հետևանքների ժամանակ, ինչի համար մենք երախտապարտ ենք Երևանին»,- Անկարայում ասել է Չավուշօղլուն՝ Արարատ Միրզոյանի հետ մամուլի ասուլիսի ժամանակ:

«Թուրքիայի, Ադրբեջանի և Հայաստանի միջև հարաբերությունների կարգավորման գործընթացում առաջընթացը կնպաստի տարածաշրջանում բարենպաստ մթնոլորտի ստեղծմանը: Այսօր մենք քննարկեցինք մեր երկու երկրների միջև հարաբերությունների կարգավորման և այդ հարցում հետագա քայլերը: Իմ գործընկերը նաև ինձ տեղեկացրեց Հայաստանի և Ադրբեջանի միջև համապարփակ խաղաղության համաձայնագրի շուրջ բանակցությունների ընթացքի մասին, որը շարունակվում է»,- ասել է Չավուշօղլուն: