Միրզոյանը պատմել է Ադրբեջանի հետ խաղաղության պայմանագրի նախապատրաստման մասին

Հայաստանի արտգործնախարար Արարատ Միրզոյանը Թուրքիայի ԱԳ նախարար Մևլութ Չավուշօղլուին պատմել է Երևանի և Բաքվի միջև բանակցությունների շուրջ ստեղծված իրավիճակի մասին՝ համապարփակ խաղաղ համաձայնագրի պատրաստման հեռանկարների վերաբերյալ։ Այս մասին Չավուշօղլուն Անկարայում հայտարարել է իր հայ գործընկերոջ հետ մամուլի ասուլիսում։

«Թուրքիայի, Ադրբեջանի և Հայաստանի միջև հարաբերությունների կարգավորման գործընթացում առաջընթացը կնպաստի տարածաշրջանում բարենպաստ մթնոլորտի ձևավորմանը։ Այսօր մենք քննարկել ենք մեր երկու երկրների հարաբերությունների կարգավորումը և այդ հարցում հետագա քայլերը։ Նաև իմ գործընկերն ինձ տեղեկացրեց Հայաստանի և Ադրբեջանի միջև համապարփակ խաղաղ համաձայնագրի շուրջ բանակցությունների ընթացքի մասին, որոնք շարունակվում են»,- ասել է Չավուշօղլուն։