«Ադրբեջանը զենք է մատակարարում Ուկրաինային. մենք ստիպված աչք ենք փակում». Զատուլին

ՌԴ պետդումայի պատգամավոր Կոնստանտին Զատուլինը փետրվարի 16-ին «Говорит Москва» ռադիոկայանի եթերում հայտարարել է, որ Ադրբեջանը զենք է մատակարարում Ուկրաինային. Ռուսաստանը ստիպված աչք է փակում Ադրբեջանի գործողությունների վրա: «Ունենք այսպիսի իրադրություն՝ Զելենսկին զրուցում է Ալիևի հետ, շնորհակալություն հայտնում օգնության համար: Ինչու է շնորհակալություն հայտնում: Շնորհակալություն է հայտնում, քանի որ Ադրբեջանը Ուկրաինային զենք է մատակարարում, որոնք արտադրվել են ոչ թե ինչ-որ ժամանակ, այլ 2022թ.: Մենք աչք ենք փակում սրա վրա: Մենք ստիպված ենք փակում, քանի որ չենք ցանկանում իրավիճակի սրացում: Մենք ձգտում ենք պահել պարագիծը, բայց պետք է պարբերաբար կոշտ պատասխանենք»,- ասել է քաղաքական գործիչը: