«Իշխանությունը պատրաստվում է նոր կապիտուլյացիայի». Իշխան Սաղաթելյան

ԱԺ «Հայաստան» խմբակցության պատգամավոր Իշխան Սաղաթելյանը «5-րդ ալիք»-ի եթերում հայտարարել է, որ իշխանությունների հիմնական նպատակն է՝ ամայացնել ազգային ընդդիմադիր դաշտն ու երկիրը տանել նոր կապիտուլյացիայի: Սաղաթելյանի խոսքով՝ ընդդիմությունն այսօր իր պայքարը վերաիմաստավորելու, վերակազմակերպելու, իրական համախմբման գնալու, հասարակության լայն շերտերի հետ աշխատելու խնդիր ունի. «Եթե Արցախում ու Հայաստանում առողջ ուժերի անկեղծ համախմբում տեղի չունենա, մեր առջև դրված խնդիրները չենք կարողանա լուծել: Դաշտը պետք է բյուրեղացվի, որպեսզի պատրաստվենք մեր պայքարի հաջորդ փուլին»,- ասել է նա: Ըստ ՀՅԴ-ական գործչի՝ իշխանությունն, ըստ էության, առաջարկում է հանձնել երկիրը, խաղաղության պայմանագրի անվան տակ պատրաստվում է նոր կապիտուլյացիայի: