«Հնարավոր է տեխնիկական միջոցների տեղակայում՝ վերացնելու ադրբեջանական կողմի կասկածները». Լավրով

«Լաչինի խնդրի հետ կապված ամեն ինչ շատ պարզ է. այն օգտագործելու կարգը, գործունեության եղանակը պետք է բխի 2020թ. նոյեմբերի 9-ի եռակողմ հայտարարությամբ ամրագրված սկզբունքներից, որոնցով նախատեսված է ապահովել բացառապես մարդասիրական բեռների և քաղաքացիական անձանց տեղաշարժը»,- այս մասին հայտարարել է ՌԴ արտաքին գերատեսչության ղեկավարը՝ հավելելով, որ միջանցքում հսկիչ անցակետի ստեղծում նախատեսված չէ, սակայն, հնարավոր են տեխնիկական միջոցներ՝ վերացնելու ադրբեջանական կողմի կասկածները, թե միջանցքը չի օգտագործվում ամրագրված նպատակներով: Նա նշել է, որ ադրբեջանցի գործընկերոջ հետ քննարկել են այդ հարցը և որ տեխնիկական միջոցների հետ կապված մանրամասները երկրորդական նշանակություն ունեն: