Միրզոյանն ու Լավրովը քննարկել են հայ-ադրբեջանական հարաբերությունները

Այսօր Դելիում կայացել է ՌԴ և ՀՀ արտաքին գերատեսչությունների ղեկավարների հանդիպումը: Այդ մասին հայտարարություն է տարածել ՌԴ ԱԳՆ-ը: Նշվում է, որ Լավրովը և Միրզոյանը քննարկել են երկկողմ օրակարգի արդի հարցեր, այդ թվում՝ միջազգային հարթակներում համագործակցության խթանմանը վերաբերող թեմաներ: Կողմերը մտքեր են փոխանակել նաև տարածաշրջանային խնդիրների շուրջ:
Հայտարարության համապատասխան՝ ընդգծվել է ՌԴ, ՀՀ և Ադրբեջանի ղեկավարների ձեռք բերած եռակողմ պայմանավորվածություններին համապատասխան՝ բոլոր ուղղություններով հայ-ադրբեջանական հարաբերությունների կարգավորման ջանքերի ակտիվացման կարևորությունը: