«Ինքը դա չի կարողանում Սերժ Սարգսյանին ներել». Աննա Մկրտչյան

ԱԺ «Պատիվ ունեմ» խմբակցության պատգամավոր Աննա Մկրտչյանն անդրադառնալով ասուլիսի ժամանակ ՀՀ վարչապետ Նիկոլ Փաշինյանի՝ ՀՀ երրորդ նախագահ Սերժ Սարգսյանի հասցեին հնչեցրած գնահատականներին, ասել է, որ Փաշինյանը փորձում է ինքնահաստատվել Սերժ Սարգսյանի անվան հաշվին. «Նիկոլը շատ լավ գիտի, որ անգամ 2018-ի ապրիլի 23-ին՝ Սերժ Սարգսյանի հրաժարականի ժամերին, վերջինն ավելի ուժեղ ու կամային էր, քան ինքը, ում ճղճղոցն ամեն փողոցից լսվում էր: Ինքը, բնական է, դա չի կարողանում Սերժ Սարգսյանին ներել ու ամեն անգամ փորձում է գոնե հասնի, մի հատ սենց ճանկռի: Սերժ Սարգսյանի տված գնահատականները իրեն՝ իր համար դառնում են քաղաքական ապտակներ»,- նշել է Մկրտչյանը: Վերջինի խոսքով՝ Փաշինյանի նման մարդը որևէ մեկի մասին խոսելու իրավունք չունի: