Չորեքշաբթի, 16 սեպտեմբերի, 2026 թ.
|
Ստեփանակերտում`   +18 °C

«Ռոբերտ Քոչարյանը չի կարողանում ներել Սեդա Սաֆարյանին». Անդրանիկ Քոչարյան

«Ռոբերտ Քոչարյանը չի կարողանում ներել Սեդա Սաֆարյանին». Անդրանիկ Քոչարյան
701
Երկուշաբթի, 20 մարտի, 2023 թ., 12:24

ԱԺ պետաիրավական հարցերի մշտական հանձնաժողովում քննարկվում է Սահմանադրական դատարանի դատավոր Սեդա Սաֆարյանի լիազորությունները դադարեցնելու հարցով Սահմանադրական դատարան դիմելու մասին նախագիծը, որը հեղինակել է «Հայաստան» խմբակցությունը: Նախագծի ներկայացման համար հիմք է ծառայել փաստաբաններ Արսեն Բաբայանի և Սոս Հակոբյանի համատեղ դիմումը: Նշվում է, որ դատավորի պաշտոնը զբաղեցնելու ընթացքում Սաֆարյանը զբաղվել է նաև ձեռնարկատիրական գործունեությամբ։

Դիմելով զեկուցող, «Հայաստան» խմբակցության պատգամավոր Արծվիկ Մինասյանին՝ ՔՊ-ական Անդրանիկ Քոչարյանն ասաց. «Ես Սեդա Սաֆարյանի հետ շատ ծանր ճանապարհ եմ անցել՝ Մարտի 1-ի փաստահավաք խմբի աշխատանքների ընթացքում: Դուք չեք կարում ներեք Սեդա Սաֆարյանին և նրա աշխատանքը՝ հանրային կյանքում ու փաստահավաք խմբում: Ոչ թե Դուք, այլ ձեր խմբակցության փաստացի լիդերը՝ Ռոբերտ Քոչարյանը»: Մինասյանը հավաստիացրեց, որ Սեդա Սաֆարյանի նախկին գործունեությունը որևէ ձևով չի հանդիսացել հիմք:

Կարդացե՛ք նաև