«Տարածաշրջանում օտարերկրյա ուժերի ներկայությունը չի կարող կայունություն ապահովել, նրանք այլ հեռանկարներ են հետապնդում». Իրանի ԱԳ նախարարի տեղակալ
![]() 197 Չորեքշաբթի, 22 մարտի, 2023 թ., 15:30 Իրանի արտաքին քաղաքականության առաջնահերթություններից է հարևանների հետ հարաբերությունների զարգացումը․ այս քաղաքականության մեջ Իրանի համար կարևորագույն նշանակություն ունի Հայաստանը։ Երևանում լրագրողների հետ ճեպազրույցում այս մասին ասել է Իրանի արտաքին գործերի նախարարի տեղակալ Ալի Բաղերի Քանին։ «Խորհրդակցությունների շրջանակում ես իմ հայ գործընկերոջ հրավերով Հայաստանում եմ, և երեկ և այսօր մենք արդյունավետ քննարկումներ ենք ունեցել իմ հայ գործընկերոջ, ինչպես նաև Հայաստանի արտաքին գործերի նախարարի հետ։ Այդ հանդիպումների ընթացքում ընդգծվեց Իրանի կայուն դիրքորոշումը տարածաշրջանում կայուն խաղաղության հաստատման գործում։ Եվ մեր հանդիպումների ընթացքում ընդգծել ենք, որ Իրանը միշտ վստահելի գործընկեր է խաղաղության և անվտանգության հաստատման գործում»,- ասաց Իրանի ԱԳ նախարարի տեղակալը։ Նա հավելել է, որ տարածաշրջանի երկրներն են, որոնք խաղաղության և կայունության երաշխավորն են, և օտարերկրյա ուժերի ներկայությունը չի կարող այդ կայունությունն ու խաղաղությունն ապահովել, քանի որ նրանք այլ հեռանկարներ են հետապնդում։ Իրանի արտաքին գործերի նախարարին հարց ուղղվեց Ադրբեջանի կողմից Լաչինի միջանցքը փակ պահելու, Հայաստանի սուվերեն տարածքի մի մասն օկուպացված պահելու, ինչպես նաև «Արևմտյան Ադրբեջան» և «Հարավային Ադրբեջան» կեղծ թեզերը շրջանառելու վերաբերյալ։ «Աստված դիվանագետներին ստեղծել է, որպեսզի խաղաղ երկխոսությունների միջոցով կարողանան հասնել կայունության հաստատմանը։ Ես ենթադրում եմ, որ տարածաշրջանի երկրների ղեկավարներն այնքան խելամիտ են, որ երկխոսության տարբերակը կընտրեն հարցերի լուծման համար։ Եվ Իրանը իր ողջ հնարավորությունը և պոտենցիալը կօգտագործի խաղաղ երկխոսությունների միջոցով հարցերին և խնդիրներին լուծում տալու համար»,- պատասխանեց Ալի Բաղերի Քանին։ |
«Դրոշակ են դարձրել «ավելի լավ է լինես թուրքի շուն, քան ռուսի ստրուկ» բանաձևը». Անդրանիկ Թևանյան
15022:42Իրանը «պատրաստ է ճշգրտել» ուրանի հարստացման մակարդակը
13420:20«Աշխարհաքաղաքական վերադասավորումները մտնում են վճռորոշ փուլ»․ Հենրիխ Դանիելյան
25717:00Հռոմի պապ Լևոն XIV-ը կոչ է արել դադարեցնել բոլոր պատերազմները
18816:20«Բաքուն «Զանգեզուրյան միջանցք»-ի ներքո դիտարկում է նաև բարձրավոլտ էլեկտրահաղորդման գծի կառուցումը»․ Վահե Դավթյան
22316:12«Ոուսական դրոշն այրելու ջատագովներից են նաև որոշ «ընդդիմադիր» ներկայացողներ»․ Արշակ Սարգսյան (տեսանյութ)
21815:36«Նարեկ Սարգսյան, ծանր հանցանք ես պարտակում»․ Ռուբեն Մելիքյան
23115:24«Թուրքիան պատրաստ է կազմակերպել ՌԴ-Ուկրաինա բանակցությունները»․ Էրդողան
29015:02