ԱՄՆ-ն Եվրոպայում գաղտնի տեղակայել է 150 միջուկային հրթիռ

3530

Երկուշաբթի, 12 հունիսի, 2023 թ., 22:12

Միջուկային զենքի վերացման միջազգային ընկերությունը (ICAN) հայտնում է, որ ԱՄՆ-ն 150 միջուկային մարտագլխիկ է գաղտնի տեղակայել Եվրոպայում գտնվող իր ավիաբազաներում:

Ըստ ընկերության քաղաքականության և հետազոտությունների համակարգող Ալիսիա Սանդերս-Զակրեի՝ ամերիկացիները միջուկային ռումբեր են տեղադրել Թուրքիայում, Բելգիայում, Իտալիայում, Գերմանիայում և Նիդերլանդներում։ Հայտարարությունն արվել է ՄԱԿ-ում աշխատող լրագրողների հետ ճեպազրույցում։ Փորձագետը վստահություն է հայտնել, որ ԱՄՆ-ն միջուկային զենք չի փոխանցի Ուկրաինային։

Նրա խոսքով՝ միջուկային զենքի վրա ԱՄՆ բյուջեի ծախսերը գերազանցում են միջուկային զսպման ուժեր ունեցող ութ երկրների ընդհանուր ծախսերը և կազմում են 43,7 միլիարդ դոլար։