Վայոց ձորում 3 մեքենա բախվել են իրար․ ВАЗ 2104-ը գլխիվայր շրջվել է

362

Հինգշաբթի, 10 օգոստոսի, 2023 թ., 20:12

Խոշոր ավտովթար է տեղի ունեցել Վայոց ձորի մարզում: Ժամը 13:10-ի սահմաններում Երեւան-Մեղրի ավտոճանապարհի 112.7 կմ հատվածում բախվել են Գեղարքունիքի մարզի բնակիչ, 31-ամյա Արմեն Շ.-ի վարած Opel մակնիշի, Վայց ձորի մարզի բնակիչներ՝ 32-ամյա Գոռ Ա.-ի վարած Mercedes մակնիշի եւ 72-ամյա Մամրե Ս.-ի վարած ВАЗ 2104 մակնիշի ավտոմեքենաները: Բախման հետեւանքով 04-ը գլխիավայր շրջվել է: Այս մասին հայտնում է ֆոտոլրագրող Գագիկ Շամշյանը։

Վթարի հետեւանքով Մամրե Ս.-ն, նրա ուղեւոր, Վայոց ձորի մարզի բնակիչ 77-ամյա Ավագ Հ.-ն եւ եւս մեկ հոգի, ում տվյալները ճշտվում են, մարմնական վնասվածքներով տեղափոխվել են «Եղեգնաձոր» բժշկական կենտրոն:

Վթարի փաստով Քննչական վարչությունում նախաձեռնվել է վարույթ: